ఎవరైతే తెల్లని అన్నంతో శివలింగాన్ని నిర్మించి పూజల చేసి నది నీటిలో వదులుతారో వారి ఇంట్లో ఎప్పుడూ ధనధాన్యాలు తలతూగుతాయట. ఎంత పేదరికం ఉన్నా త్వరలోనే శ్రీమంతులు అవుతారట. అలాగే తెల్లని అన్నానికి తేనెను కలిపి దాన్ని నైవేద్యంగా ఉంచుతారో వారికి అన్ని రకాల చర్మ వ్యాధులు తొలగిపోతాయని, తెల్లని అన్నానికి తేనెను, పంచదారను, కొబ్బరిని కలిపి ఆ అన్నాన్ని కులదేవతకు నైవేద్యంగా ఉంచి అన్నదానాన్ని చేస్తారో వారికి అన్ని రకాల రోగాలు నయమవుతాయని ఆధ్యాత్మిక పండితులు చెపుతున్నారు. అయితే, ఆయా వారానికి అనుగుణంగా పూజలు చేయాలని కోరారు.
.
ఉష్ణ సంబంధిత వ్యాధులు ఉంటే ఆదివారం చేయాలని, శీత సంబంధిత వ్యాధులు ఉంటే సోమవారం చేయాలన్నారు. అలాగే, రక్తానికి, రక్తపోటుకు సంబంధించిన వ్యాధులు ఉంటే మంగళవారం చేయాలి. బుద్ధికి, నరాలకు సంబంధించిన వ్యాధులు ఉంటే బుధవారం చేయాలి. అన్ని రకాల ఉదర సంబంధ వ్యాధులు ఉంటే గురువారం చేయాలని కోరుతున్నారు. మూత్రకోశ రోగాలు, మూత్రపిండాల సమస్య, డయాలసిస్‌, మూత్ర పిండాల్లో రాళ్లు తదితరాలు ఉంటే శనివారం రోజు సాయంత్రం చేయాలి. ఎముకల సమస్యలు, వెన్నునొప్పి, నడుంనొప్పి, అలసట, కీళ్ల నొప్పులు తదితరాలు ఉంటే శనివారం రోజు సాయంత్రం చేయాలని సూచన చేస్తున్నారు.
.
మనస్సుకు, చిత్తానికి శాంతి కలిగించేందుకు, శాంతి లభించేందుకు బుధవారం రోజు చేయాలి. మంచి జ్ఞాపకశక్తి పొందేందుకు పుణ్యక్షేత్రాల్లో దర్శనం ముక్తి పొందేందుకు శనివారం రోజు చేయండి. చాలా మంచి జరుగుతుందట. తెల్ల అన్నం, శెనగపప్పు వేసి పాయసం చేసి మీ ఇంటి దేవునికి నైవేద్యం పెట్టి పాయసాన్ని దానం చేస్తే మీ ఇంట్లో అందరూ ప్రేమ, అభిమానాలను కలిగి ఉంటారు. చాలా వరకు శాంతి లభిస్తుంది. మనస్సులో ఉండే భయం, భీతి, బెదిరింపులన్నీ తొలగిపోతాయన్నారు.
.
తెల్ల అన్నానికి నల్లని నువ్వులు కలిపి శ్రీశనైశ్చరునికి నైవేద్యం పెట్టి నువ్వులను కాకులను పెడితే మీకు ఉన్న పితృదేవతల శాపాలన్నీ తొలగిపోతాయన్నారు. అన్నాన్ని దేవునికి నైవేద్యంగా పెట్టి దాన్ని పశువులు తినేందుకు ప్రసాదాన్ని ఇచ్చి, అవివాహితకు తాంబూలం ఇచ్చి నమస్కరిస్తే మీకు రావలసిన నగదు త్వరగా వచ్చి చేరుతుంది. సరిగా అన్నం తినని వారికి తెల్ల అన్నం పసుపు, కుంకుమ కలిపి పూజ చేసి దిష్టి తీసి మూడు దార్లు కలిసే చోట పెట్టి వస్తే ఎటువంటి అన్నం దిష్టి అయినా తొలగిపోతుందని ఆధ్యాత్మిక నిపుణులు అభిప్రాయాలు తెలిపారు.
https://www.facebook.com/rb.venkatareddy
No comments:
Post a Comment