సహస్ర శబ్ధము అనేకానేక అర్ధములు కలిగి యున్నది. సాహస మనగా అనేకము వేయి అనినపుడు ఒకటి తరువాత మూడు సున్నాలు వుండును .మూడు సున్నాలు మూడు లోకములకు సంకేతము కాగా వాటికి పూర్వము నందున్నది ఒకటియే ఒకటియే మూడు లోకములు వ్యాపించి యున్నదని అర్ధము . సృష్టి మొత్తము ప్రజ్ఞ ,శక్తి పదార్ధములతో చేయ బడినది ఈ మూడింటిని ఆధారమైనది ఒకటియే కావుననే సహస్రపదమును పర తత్వమును తెలుపుటకు వాడుదురు. ఒకటి మూడుగనై నాలుగు అగును. ఒకటి పల్స్ మూడు ఈజి కొల్ట్ నాలుగు తత్ కారణముగా వాక్కు ,వేదము,కాలము,స్వాభావములు. ప్రధానముగా నాలుగు విభజలు పొందును.ఒకటి నుండి పుట్టిన మూడు నాలుగు నుండి ప్రతి బింబించుటచే ఎడగును.ఒకటి పల్స్ మూడు పల్స్ మూడు ఈజి కొల్ట్ ఏడు ఇట్లు ఏడు లోకములేర్పడును.ప్రధానముగా మూడే లోకములైననూ ప్రతి బింబ ప్రభావము ఏడుగ గోచరించును .సత్యలోకము తపో లోకము జనోలోకము ప్రధానముగ మూడు లోకములు ఈ మూడు లోకములు మహత్తు అను నాలుగవ లోకము నుండి సువర్లోకము భువర్లోకము భూలోకముగ ప్రతిబింబించును .ముందు మూడు లోకములు సూక్షములు .తరువాత మూడు లోకములు .
స్థూలములు సూక్షము స్థూలములోనికి వచ్చుటకు మహత్తు నడుచు చున్నది .అదృశ్యము దృశ్యమగుట దృశ్యము అదృశ్యమగుట ఈ మహత్తు ఇట్లు మొత్తమేడు లోకము లేర్పడును.కావుననే ఈ మొత్తమును సంకేతించుటకు ఒకటి తరువాత ఏడు సున్నాలు అదియే ఒక కోటి సంఖ్య .
క్లుప్తముగ సహస్రము అని విస్తారముగ కోటి యని మన వాజ్యయమున పేర్కొందురు .ఈ సున్నాలన్నింటికిని ఆధారము శ్రీదేవి. లోకమును పదమున, అందు నశించు వారు,వాటి పాలకులు కూడా ఇమిడి యున్నారు ఇన్ని లోకములకు ముఖము శిరస్సుయై శ్రీదేవి యున్నది.
సహస్ర అనునది సహస్రార పద్మ వైభవమును సూచించును. సహస్రార వర్ణనము బహు విస్తారము .
సహస్ర అనునది అత్యంత శక్తివంతమగు మంత్రము. రహస్య మగు మంత్రము. అంతరంగమున దివ్యానుగ్రహముగ తెలియబడు మంత్రము.ఈ మంత్రమును తెలిసిన వారు సర్వ శక్తి మంతులు అగుదురు.సుదర్శన ఆయుధము వీరి సొత్తు అగును.అంబరీషాదులు ఈ మంత్రమును ధర్శించిరి .
స అను శబ్దముతో పురుష సూక్తము ప్రారంభ మగును .సహస్రశీర్షా పురుష హ అను శబ్దముతో శ్రీ సూక్తము ప్రారంభమగును. హిరణ్యవర్ణాం సహా అను శబ్దము ప్రకృతి పురుషుల సమాగమ శబ్ధము.
ఈ శబ్దముల మిశ్రమమే సోహం ,హంస,హసౌం, హింస,సింహ ఇత్యాదివి.ప్రకృతి పురుషుల సమాగమమే సృష్టి రూపము సహా అను శబ్ధము నుండి పుట్టు సృష్టినే స్ర అని పలుకుదురు.సహస్ర శబ్ధము అత్యంత వైభవోపేతమైన శబ్ధము. ఇంకనూ .వివరించుట కిచట తావు లేదు.
ఓం శ్రీ మాత్రే నమః
No comments:
Post a Comment