కేదారేశ్వర గుహ… మహారాష్ట్రలోని అహ్మద్ నగర్ లో వున్న హరిశ్చంద్ర కోటకు కుడి వైపున వుంది . ఇది ఒక అద్భుతమైన కట్టడం.పెద్ద బండరాయి కింద 12 అడుగుల శివ లింగం రూపంలో కొలువై ఉన్నాడు కేదారేశ్వరుడు. ఈ గుహ లోపలి భాగంలో 4- 6 మంది భక్తులు కూర్చుని పూజ, ధ్యానం చేసుకునేందుకు వీలుగా ఒక గది కూడా ఉంది. ఈ శివ లింగాన్ని భూమి నుంచి 6 అడుగుల ఎత్తులో వుండేటట్టు నిర్మించారు.లింగం చుట్టూ నాలుగు స్తంభాలు వుండేవి, వాటిలో 3 స్తంభాలు విరిగిపోగా ఒకటి మాత్రమే మిగిలింది.విశేషం ఏమిటంటే, ఈ నాలుగు స్తంభాలు నాలుగు యుగాలకి ప్రతీకలనీ, ఒక్కొక్క యుగాంతానికి ఒక్కొక్క స్తంభం విరుగుతూ, కలియుగానికి ఒకటే స్తంభం మిగిలిందని... ఎప్పుడైతే ఈ స్తంభం విరిగిపోతుందో, అదే కలియుగానికి ఆఖరు రోజనీ నమ్ముతారు.ఇక్కడ అచ్చెరువొందించేమరో విషయం ఏమిటంటే, ప్రతిరోజు 4 గోడల నుండి నీరు గుహలోకి వస్తుంది. శివలింగం చుట్టూ వేసవి, శీతాకాలాలలో 5 అడుగుల ఎత్తులో చాలా చల్లని నీరు వుంటుంది. కాని, వర్షాకాలంలో చుక్క నీరు కూడా గుహలోకిరాదు, నిలవదు.ఇలాంటి ప్రదేశాలు ఇంకా ఎన్నో భారత దేశంలో వుండడం మన ప్రాచీనుల విజ్ఞానానికి ప్రతీక...!
No comments:
Post a Comment