శ్రీరంగం ఉత్సవ మూర్తి (శ్రీ అళగియమానవాళన్)ని సాధారణంగా "నంపెరుమాళ్" అని పిలుస్తారు. శ్రీ అళగియమానవాళన్ అని పిలువబడే అయినకి ఈ పేరు ఎందుకు (నం పెరుమాళ్) వచ్చింది.
శ్రీరంగం పెరియ పెరుమాళ్ చిత్రాలను చూసినప్పుడల్లా పెరియ పెరుమాళ్ యొక్క తిరువడి (పాదం) దగ్గర కుడి వైపు మూలలో మరొక ఉత్సవ మూర్తిని మీరు గుర్తించగలరు. తదుపరిసారి మీరు పెరియ పెరుమాళ్ సేవను అయిన తిరువాడి దగ్గర గమనించినప్పుడు మరొక ఉత్సవ మూర్తి (ఉత్సవాల సమయంలో ఈ ఉత్సవర్ యాగశాలలో ఉంటారు) ఆయనను తిరువరంగమళిగయార్ అంటారు. సాధారణంగా, వైష్ణవ దేవాలయాలలో ఒక చిన్న ఉత్సవ మూర్తి ఉంటారు, వీరిని యాగబేరర్ అని పిలుస్తారు. ఉత్సవ సమయంలో యాగశాలలో ఉండే పెరుమాళ్ హోమాలను పర్యవేక్షించి, ఎలాంటి ఆటంకాలు, అడ్డంకులు లేకుండా సజావుగా జరిగేలా చూసుకుంటారు, అయితే ఆ ఉత్సవ దేవతలు ఎత్తు తక్కువగా ఉంటారు, కానీ ఇక్కడ ఈ ఉత్సవ మూర్తి అదే ఎత్తు. ఆ అళగియ మనవాళన్.( తిరువరంగమళిగయార్ నంపెరుమాళ్ ఎత్తుతో సమానంగా ఉంటారు.
శ్రీరంగంపై 1323లో జరిగిన ఇస్లామిక్ దండయాత్రలో 12000 మంది శ్రీవైష్ణవులు శ్రీరంగాన్ని కాపాడేందుకు తమ ప్రాణాలను అర్పించారు. పెరియ పెరుమాళ్ ముందు రాతిగోడ నిర్మించి స్వామికి రక్షణ కలిపించేరు. ఆ సమయంలో స్వామి పిళ్లైలోకాచార్యులు వారు శ్రీ అళగియమానవాళన్ మరియు అయిన ఉభయ నాచిమార్‌లను తీసుకొని పెరుమాళ్లను రక్షించడానికి దక్షిణ దిశలో ప్రయాణించారు, కాని అయిన మదురై సమీపంలోని జోతిష్కుడిలో (పరమపదం) మోక్షం పొందారు.
తరువాత శ్రీ అళగియమానవాళన్ వారు మదురైకి మరింత దక్షిణంగా ప్రయాణించి, ఆపై కేరళ, మైసూర్ సమీపంలోని తిరుకణంబి, చంద్రగిరి అడవికి వెళ్లి చివరకు *తిరుమల చేరుకున్ని అక్కడ శ్రీ రంగనాయకి మండపంలో కొన్ని రోజుల విశేష సేవలు అందుకున్నారు* తిరుమల నుండి గింగికి (తిరువణ్ణామలై దగ్గర) మరియు తిరిగి స్వామి శ్రీరంగం చేరుకున్నారు. . పెరుమాళ్ క్రీ.శ.1323వ సంవత్సరంలో 8వ రోజు పంగుని ఉత్సవం సందర్భంగా శ్రీరంగం నుండి బయలుదేరి 48 సంవత్సరాల తర్వాత 1371లో తమిళ మాసం వైకాసి 17వ రోజున తిరిగి వచ్చారు.
గొప్పన అనే అధిపతి సింగపురం (జింగీ) నుండి పెరుమాళ్ మరియు ఉభయ నాచియార్ చిత్రాలను తీసుకువచ్చి, పరిదపి, శక.1293లో వైకాసి 17వ తేదీన శ్రీరంగంలో పునఃస్థాపించాడు.
1323 సంవత్సరంలో చాలా మంది శ్రీరంగం వాసులు ఊచకోతకు గురయ్యారు మరియు మిగిలిన కొద్దిమంది భద్రత కోసం శ్రీ రంగం విడిచిపెట్టి వెళ్ళిపోయారు. ఇస్లామిక్ దండయాత్ర తర్వాత 40 సంవత్సరాల పాటు శ్రీరంగం నిర్జనమైపోయింది. అళగియమానవాళన్ (ఉత్సవ మూర్తి) 48 సంవత్సరాల తర్వాత తిరిగి వచ్చినప్పుడు, అయిన ఆలయం నుండి తీసుకెళ్ళబడిన పాత ఉత్సవ మూర్తి అని శ్రీరంగం వాసులకు తెలియదు.
ఈ సమయంలో పాత ఉత్సవ మూర్తికి ఏమి జరిగిందో స్థానికులకు తెలియదు కాబట్టి వారు కొన్ని సంవత్సరాల తరువాత ఆలయం పునరుద్ధరించబడినప్పుడు కొత్త ఉత్సవర్లను ప్రతిష్టించారు (ఈ కొత్త ఉత్సవర్ శ్రీ తిరువరంగమళిగయార్ )
పాత అళగియమానవాళన్ తిరిగి వచ్చినప్పుడు శ్రీరంగం వాసులకు అళగియమావలన్ గురించి తెలియదు మరియు కొత్త ఉత్సవమూర్తిని స్థాపించారు కాబట్టి అసలు ఉత్సవ మూర్తి ఎవరో వారికి స్పష్టంగా తెలియదు. ఉత్సవర్లు ఇద్దరూ ఒకేలా కనిపించడం వల్ల వారు సులభంగా వేరు చేయలేకపోయారు.
తిరువరంగమళిగయార్ అళగియమానవాళన్ ఇద్దరూ ఒకే ఎత్తులో ఉన్నారు, ఇద్దరికీ ఒకే ప్రయోగ చక్రం, కుడి చేయి మరియు వేళ్లు మరియు భంగిమ కూడా ఒకేలా ఉన్నాయి. ఎడమచేతి ఘడహాన్ని పట్టుకుంది, వాహనములపై ఊరేగుతున్నప్పుడు పెరుమాళ్‌ను వ్యవస్థ ఏర్పాటు చేసే పీఠం అన్నీ సరిగ్గా సరిపోతున్నాయి. తిరుముఖం కిరీటం కూడా అలాంటిదే.
క్రీ.శ. 1323కి పూర్వం ఉన్న పాత అళగియమానవాళన్ ఎలా ఉన్నారో ఎవరైనా గుర్తుపడతరా అని ఆలయ అధికారులు తేల్చాలన్నారు. వారు శ్రీరంగంలో అలాంటి వ్యక్తి కోసం వెతికారు మరియు అదృష్టవశాత్తూ, అసలు అళగియమానవాళన్‌ను చూశానని చెప్పుకునే 90 ఏళ్ల చాకలి వాడు (శ్రీవైష్ణవ ఇరంగొల్లి) వృద్ధుడు దొరికాడు, కానీ పాపం ఇప్పుడు అతను వృద్ధాప్యం కారణంగా అంధుడిగా ఉన్నాడు, అందువల్ల అతను విగ్రహాలను చూడలేకపోయాడు మరియు వేరు చేయలేడు. అతను అళగియమానవాళన్ యొక్క వస్రాలను చాలాసార్లు కడిగి, అళగియమానవాళన్ యొక్క తడి వస్త్రం (ఈరదై లేదా ఈరవడై తీర్థం అని పిలుస్తారు) నుండి తీర్థం తీసుకున్నట్లు పేర్కొన్నాడు.
ఉత్సవర్లిద్దరికి తిరుమంజనం నిర్వహించి ఆ తర్వాత చాకలివారికి ఈరవడై తీర్థం అందజేయాలని నిర్ణయించి ప్రణాళికాబద్ధంగా అమలు చేశారు. అతను పాత అళగియమానవాళన్ యొక్క ఈరవాడై తీర్థం శ్వీకరించిన మరు నిమిషంలో అతను ఆనందంతో "నం పెరుమాళ్" అంటే మా స్వామి అని అరిచాడు.
ఆ రోజు నుండి అళగియమానవాళన్‌ను నంపెరుమాళ్ అని పిలుస్తారు. కొత్త ఉత్సవ మూర్తి "తిరువరంగం పెరియ కోయిల్"న్ని ఆక్రమించినందున (అప్పటి వరకు సేవలు అందుకున్న) అయినని తిరువరంగమళిగయార్ (శ్రీరంగం దేవాలయం ఆక్రమణదారుడు) అని పేరు పెట్టారు మరియు ఇప్పటికీ గర్భగుడి లోపల పూజించబడుతున్నారు. మరియు యాగశాలలో కూడా
స్వామి మనవాళమామునిగల్ సంబంధిత గ్రంథాలలో ఈ వృద్ధ చాకలివాడి పేరు "రాజకాండ గోపాలన్" అని పేర్కొనబడింది..
No comments:
Post a Comment