1 కల్యాణాయుత పూర్ణచంద్ర వదనాం ప్రాణేశ్వరానందినీం
పూర్ణా పూర్ణతరాం పరేశ మహిషీం పూర్ణామృతాస్వాదినీం
సంపూర్ణాం పరమోత్తమాం అమృతకలాం విద్యావతీం భారతీం
శ్రీ చక్రప్రియ బిందుతర్పణపరాం శ్రీరాజరాజేశ్వరీం !!
2 ఏకారాది సమస్త వర్ణ వివిధాకారైక చిద్రూపిణీం
చైతన్యాత్మక చక్రరాజ నిలయాం చంద్రాంత సంచారిణీం
భావా భావ విభావినీం భవపరాం తద్భక్తి చింతామణీం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
3 ఈహాధిక్పర యోగి బృంద వినుతాం స్వానంద భూతాంపరాం
పశ్యంతీం తను మధ్యమాం విలసినీం శ్రీవైఖరీ రూపిణీం
ఆత్మానాత్మ విచారిణీం వివరగాం విద్యాం త్రిబీజాత్మికాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
4 లక్ష్యాలక్ష్య నిరీక్షణాం నిరుపమాం రుద్రాక్షమాలాధరాం
త్రైక్ష్యార్దాకృతి దక్షవంశ కలికాం దీర్ఘాక్షి దీర్ఘస్వరాం
భద్రాం భద్ర వరప్రదాం భగవతీం భద్రేశ్వరీం ముద్రిణీం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
5 హ్రీం బీజాంగత నాదబిందు భరితాం ఓంకార నాదాత్మికాం
బ్రహ్మానంద ఘనోదరీం గుణవతీంఙ్ఞానేశ్వరీం ఙ్ఞానదాం
ఇచ్ఛాఙ్ఞా కృతిణీం మహీం గతవతీం గంధర్వ సంసేవితాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
6 హర్షోన్మత్త సువర్ణ పాత్ర భరితాం పీనోన్నతాం ఘూర్ణితాం
హుంకార ప్రియ శబ్దజాల నిరతాం సారస్వతోల్లాసినీం
సారా సార విచార చారుచతురాం వర్ణాశ్రమా కారిణీం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
7 సర్వేశాంగ విహారిణీం సకరుణాం సన్నాదినీం నాదినీం
సంయోగ ప్రియ రూపిణీం ప్రియవతీం ప్రీతాం ప్రతాపోన్నతాం
సర్వాంార్గతి శాలినీం శివతనూం సందీపినీం దీపినీం
శ్రీ చక్రప్రియ బిందుతర్పణపరాం శ్రీరాజరాజేశ్వరీం !!
8 కర్మా కర్మ వివర్జితాం కులవతీం కర్మప్రదాం కౌలినీం
కారుణ్యాంబుధి సర్వకామ నిరతాం సింధుప్రియోల్లాసినీం
పంచబ్రహ్మ సనాతనాసనగతాం గేయాం సుయోగాన్వితాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
9 హస్త్యుత్కుంభనిభ స్తనద్విదయతః పీనోన్నతా దానతాం
హారాద్యాభరణాం సురేంద్ర వినుతాం శృంగార పీఠాలయాం
యోన్యాకారక యోనిముద్రితకరాం నిత్యాం నవర్ణాత్మికాం
శ్రీ చక్రప్రియ బిందుతర్పరణపరాం శ్రీ రాజరాజేశ్వరీం !!
10 లక్ష్మీ లక్షణపూర్ణ భక్తవరదాం లీలా వినోదస్థితాం
లాక్షారంజిత పాదపద్మ యుగళాం బ్రహ్మేంద్ర సంసేవితాం
లోకాలోకిత లోక కామ జననీం లోకాశ్రయాంక స్థితాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
11 హ్రీంకారాశ్రిత శంకర ప్రియతనుం శ్రీ యోగ పీఠేశ్వరీం
మాంగ్యల్యాయుత పంకజాభ నయనాం మాంగల్య సిద్ధిప్రదాం
కారుణ్యేన విశేషితాంగ సుమహా లావణ్య సంశోభితాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
12 సర్వఙ్ఞాన కళావతీం సకరుణాం సర్వేశ్వరీం సర్వగాం
సత్యాం సర్వమయీం సహస్రదళజాం సత్వార్ణవోపస్థితాం
సంగాసంగ వివర్జితాం సుఖకరీం బాలార్క కోటిప్రభాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
13 కాదిక్షాంత సువర్ణబిందు సుతనుం సర్వాంగ సంశోభితాం
నానావర్ణ విచిత్ర చిత్ర చరితాం చాతుర్య చింతామణీం
చిత్రానంద విధాయినీం సుచపలాం కూటత్రయాకారిణీం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
14 క్ష్మీీశాన విధీంద్ర చంద్రమకుటాద్యష్టాంగ పీఠాశ్రితాం
సూర్యేంద్వగ్ని మయైక పీఠనిలయాం త్రిస్థామ్ త్రికోణేశ్వరీం
గోప్త్రీం గర్వ నిగర్వితాం గగనగాం గంగాం గణేశప్రియాం
శ్రీ చక్రప్రియ బిందుతర్పణపరాం శ్రీ రాజరాజేశ్వరీం !!
15 )హ్రీం కూటత్రయ రూపిణీం సమయినీం సంసారీణీం హంసినీం
వామాచార పరాయణీం సుకులజాం బీజావతీం ముద్రిణీం
కామాక్షీం కరుణార్థ్ర చిత్త సహితాం శ్రీం శ్రి త్రిమూర్త్యంబికాం
శ్రీ చక్రప్రియ బిందుతర్పణపరాం శ్రీ రాజరాజేశ్వవరీం !!
16 యా విద్యా శివకేశవాది జననీం యా వై జగన్మోహినీం
యా బ్రహ్మాది పిపీలికాంత జగదానందైక సంధాయినీం
యా పంచ ప్రణవ ద్విరేఫనళినీం యా చిత్కళా మాలినీం
సా పాయాత్ పరదేవతా భగవతీ శ్రీరాజరాజేశ్వరీం
శ్రీరాజరాజేశ్వరీం శ్రీరాజరాజేశ్వరీం!!
No comments:
Post a Comment