* ప్రతినిత్యం వడకట్టిన గోమూత్రం 25 మిల్లీలీటర్లు చొప్పున తాగుచుండిన శ్లేష్మము వలన కలిగిన వ్యాధులు అన్నియు హరించును .
* ఎన్ని సార్లు విరేచనములు అవ్వవలెను అనుకున్న అన్నిసార్లు గోమూత్రమును గుడ్డతో వడకట్టి 30 మిల్లీలీటర్లు నుంచి 50 మిల్లీలీటర్లు ఉదయాన్నే ప్రాతఃకాలం నందు తాగుచున్న యెడల విరేచనములు అగును.
* గోమూత్రంతో కొంచం పటికబెల్లం పొడి , కొంచం ఉప్పు కలిపి ప్రతినిత్యం తాగుచున్న ఉదరవ్యాధులు అన్నియు హరించిపోవును.
* 10 మిల్లీలీటర్లు గోమూత్రంలో ఒక చిటికెడు పసుపు చూర్ణం కలిపి పూటకొక్క మోతాదుగా రోజూ రెండుపూటలా తాగించుచున్న యెడల చిన్నపిల్లలకు కలిగే కడుపుబ్బరాలు హరించిపోవును .
* వడకట్టిన గోమూత్రం 35 మిల్లీలీటర్లు ప్రతినిత్యం ప్రాతఃకాలం నందు త్రాగుచుండిన యెడల పాండువ్యాధి 20 నుంచి 40 రోజుల్లో హరించిపోవును .
* గోమూత్రం గోరువెచ్చగా చేసి ఆ గోమూత్రంతో చెవులను శుభ్రపరుచుచుండిన చెవి నుండి చీముకారుట హరించిపోవును .
* గోమూత్రం 40 మిల్లీలీటర్లు పూటకొక్క మోతాదుగా రోజూ రెండు పూటలా త్రాగించుచున్న యెడల స్త్రీలకు సూతికా వ్యాధి వచ్చిన పిమ్మట కలిగే శరీరం వాపు , గర్భాశయం గడ్డ వలే గట్టిగా అయ్యే సమస్య హరించి ఆరోగ్యంగా ఉండును.
* నేలవేము రసం గోమూత్రం 30 మిల్లీలీటర్లు కలిపి పూటకి ఒక మోతాదుగా రోజూ రెండుపూటలా తాగుచుండిన యెడల జీర్ణజ్వరాలు , పాండువ్యాధులు , వళ్ళు వాపులు 7 రోజుల్లోనే అంతరించిపోవును .
* ప్రతినిత్యం ప్రాతఃకాలం నందు 20 మిల్లీలీటర్లు గోమూత్రం 125 మిల్లీలీటర్ల నీటిలో కలిపి తాగుచుండిన యెడల మూత్రం బిగింపు హరించి మూత్రం ధారాళముగా వెడలుచుండును.
* ప్రతినిత్యం ప్రాతఃకాలం నందు గోమూత్రం 30 మిల్లీలీటర్లు , 20 గ్రాములు పటికబెల్లం పొడి కలిపి తాగుచుండిన యెడల మలబద్దకం హరించును . నోటికి రుచి తెలియని అరుచి అను రోగమును కూడా పోగొట్టును .
* పత్ర తాళకం , బావంచాలు , మాల్కంగిని గింజలు సమాన భాగాలలో తీసుకుని గోమూత్రంతో కలిపి నూరి చిన్నచిన్న గోళీల వలే చేసి గాజుసీసాలో భద్రపరచుకొనవలెను. అవసరం వచ్చినప్పుడల్లా అందొక గోళీని నిమ్మపండు రసంతో అరగదీసి బొల్లిమచ్చలపైన లేపనం చేయుచుండిన బొల్లి మచ్చలు రెండు నుంచి మూడునెలల్లో హరించిపోవును .
* గోమూత్రం శరీరమునందలి వాతశ్లేష్మములను హరించును .
* శరీరం నందలి క్రిములను , గుల్మములను , ఉన్మాదరోగాలను హరించును .
* చర్మరోగాలు పైన కూడా అత్యద్భుతంగా పనిచేయును .
ఆవుపేడతో ఉపయోగాలు -
* ఆవుపేడ రసం 70 మిల్లీలీటర్లలో 125 మిల్లీలీటర్ల ఆవుపాలు కలిపి తాగించుచుండిన గర్భము నందు చచ్చిన పిండము బయటపడును.
* ఆవుపేడను వెచ్చచేసి గుదస్థానం నందు కాపడం పెట్టుచున్న ముడ్డితిమ్మిరి హరించును .
* ఎండించిన ఆవుపేడ చూర్ణం ఉప్పుతో నిలువ ఉంచిన కుండ పెంకు చూర్ణం రెండు సమభాగాలుగా కలిపి నూరి ఈ చూర్ణంతో వళ్ళు నలగబెట్టుకొనుచుండిన యెడల అతిచెమట సమస్య తీరును .
* ఆవుపేడ వంటికి పట్టించుకోని మర్దన చేసి ఒక గంట ఆగి ఆ తరువాత వేడినీటితో స్నానం చేయుచున్న యెడల దురదలు తగ్గును.
* వస్త్రగాలితం పట్టిన ఆవుపిడకల బూడిదను మశూచికం పొక్కులపైనా , పుళ్లపైనా చల్లుచుండిన యెడల అవి త్వరగా మానును .
* ఆవునెయ్యితో వస్త్రగాలితం పట్టిన ఆవుపేడ పిడకల బూడిద కలిపి రాయుచున్న పుళ్ళు త్వరగా మానును .
* వండుకున్న ఆహారపదార్థాల గిన్నెలను ఆవుపిడకలు కాల్చిన బూడిద పైన ఉంచిన చీమలు పట్టకుండా ఉండును.
* 20 గ్రాముల ఆవుపేడ పిడకల బూడిదని 100 మిల్లీలీటర్ల నీళ్లలో కలిపి వడపోసి ప్రతినిత్యం ప్రాతఃకాలం నందు తాగుచున్న కడుపు ప్రేగుల్లోని క్రిములు అయిదారురోజుల్లోనే హరించిపోవును .
* ఆవుపేడతో చేయబడిన పిడకలను నిప్పుల్లో కాల్చి నీళ్ళల్లో వేసిన బొగ్గువలే అగును. ఆ బొగ్గును ఎండించి మెత్తటి చూర్ణంగా చేసి భద్రపరుచుకొని ఆ చూర్ణంతో ప్రతినిత్యం పండ్లు తోముకొనుచుండిన యెడల దంతములలోని క్రిములు , చిగుళ్లవాపులు హరించును . దంతాలు ఆరోగ్యంగా ఉండును.
* ఆవుపేడ రసం ౩౦ మిల్లీలీటర్లు నీళ్లతో కలిపి తాగిన కలరా నయం అగును.
ఆవుపెరుగు వలన ఉపయోగాలు -
* ఆవుపెరుగు లో కాని , ఆవు మజ్జిగలో కాని సమభాగంగా మంచినీరు కలిపి తాగుచున్న యెడల అజీర్ణం వలన కలిగిన విరేచనాలు తగ్గును.
* ఆవుపెరుగు తాగుచున్న యెడల గాజుచూర్ణంగాని , గాజుముక్కలుగాని పొరపాటున లొపలికి పోయిన కలిగే బాధలు తగ్గును.
* పాత ఇటుకను శుభ్రముగా తుడిచి దానిని నిప్పులలో వేసి కాల్చి ఆవుపెరుగులో ముంచవలెను. ఆ తరువాత ఆ ఇటుకను తీసివేసి ఆ ఆవుపెరుగును కొంచంకొంచం లొపలికి తీసుకొనుచుండిన అతిదాహం తగ్గును.
* ఆవుపెరుగులో పటికబెల్లం పొడి కలిపి త్రాగించుచున్న యెడల గన్నేరుపప్పు విషం హరించి ప్రాణాలు నిలబడును.
* సూర్యోదయం కాకమునుపే ఆవుపెరుగు , అన్నం కలుపుకుని తినుచున్న పార్శ్వపు నొప్పి తగ్గును. ఇలా వరసగా మూడురోజులు చేయవలెను .
పైన చెప్పిన ఫలితాలు నాటు ఆవు కి సంబంధించినవి వాడినప్పుడే ఫలితాలు పొందగలము. సంకరజాతి ఆవుల వలన ఎటువంటి ఫలితము ఉండదు. మొరొక్క ముఖ్యవిషయం ఆవుని బయట మేతకు వదలడం వలన అన్నిరకాల మొక్కలు తినటం వలన ఆవుకి సంబంధించిన పాలు , నెయ్యి, మూత్రం, పేడ , పెరుగు వీటికి విశేష ఔషధ లక్షణాలు సంప్రాప్తినిచ్చును. ఒకేచోట కట్టి ఉంచి ఆహారం ఇచ్చు ఆవులకు అంత శక్తి ఉండదు.
No comments:
Post a Comment