* ఆవు వెన్న తెల్లగా కొద్ది పసుపు రంగుగా ఉండును. ఆయువు వృద్ది చేయును .
* వీర్యవృద్ధిని చేయును . ధాతుపుష్టిని ఇచ్చును.
* శరీరానికి చలవ చేయును .
* శరీరంలోని త్రిదోషములను పోగొట్టును .
* నేత్రరోగములు కలవారికి చాలా అద్భుతంగా పనిచేయును .
* బాలురకు , వృద్దులకు అనుకూలంగా ఉండును.
* క్షయ రోగులకు, గ్రహణి రోగులకు , వేడి వలన కలుగు దగ్గు ని పోగొట్టును .
* జఠరశక్తిని పెంచును.
* శరీరానికి కాంతిని ఇచ్చును.
* పెద్ద నిమ్మకాయ అంత ఆవు వెన్నని ఒక లీటరున్నర మరిగే నీటిలో వేసి తాగించిన మాత్రబద్ధం మానును .
* శరీరంలోని వాతపైత్యములను పోగొట్టును . కొంచం శ్లేష్మమును కలిగించును.
* మూలశంఖ వ్యాధిని తగ్గించుటలో సహాయకారిగా ఉండును.
* జిగటవిరేచనాలు తగ్గించును .
* నోటివెంట పడు రక్తంని కట్టును.
ఆవు మజ్జిగ ఉపయోగాలు -
* ఆవుమజ్జిగ త్రిదోషములను పోగొట్టును .
* వగరు, పులుపు రుచులు కలిగి ఉండును.
* శరీరంలోని ధాతువులకు చాలా మంచి చేయును .
* శరీరంలో జఠరశక్తిని అమితంగా పెంచును.
* కఫవాతాన్ని పోగొట్టును .
* శరీరం ఉబ్బురోగం , ఉదరవ్యాధులు , మూలశంక , జిగటవిరేచనాలు , మూత్రబద్ధం , నోటికి రుచి లేకుండా ఉండటం వంటి సమస్యలకు మజ్జిగ పరమ ఔషధం .
* ప్లీహ,గుల్మ వ్యాధులను తగ్గించును .
* నెయ్యి ఎక్కువ తాగుట వలన కలుగు సమస్యలను ఆవుమజ్జిగ తాగుట వలన తగ్గును.
* శరీరంలోకి వెళ్లిన కృత్రిమ విషముల నుంచి శరీరాన్ని కాపాడును.
* పాండురోగం కలవారికి ఆవుమజ్జిగ అత్యంతశ్రేష్ఠమైనది.
* రెండునెలల పాటు వదలకుండా మజ్జిగని వదలకుండా సేవించిన మూలవ్యాధులు హరించును .
* కామెర్ల సమస్య ఉన్నవారు , ఎప్పటి నుంచో జ్వరంతో ఇబ్బంది పడుతున్నవారు ఆవు మజ్జిగ వాడుచున్న మంచి ఫలితాల పొందగలరు.
ఆవునెయ్యి ఉపయోగాలు -
* త్రిదోషాలను హరించును .
* రక్తపుష్టి , ధాతుపుష్టి , వీర్యవృద్ధి కలిగించును.
* శరీరంలోని వాతపైత్యాన్ని హరించును .
* శరీరంలోని పైత్యాన్ని హరించుటకు మంచి ఔషధంగా పనిచేయును .
* విరేచనం చేయును .
* ఉన్మాదం,పాండు రోగం , విషము , నొప్పి, సర్పి , చిత్త భ్రమ వంటి సమస్యలకు ఆవునెయ్యి అద్భుతంగా పనిచేయును .
* ఆయుష్షును పెంచును.
* అప్పుడే కాచిన ఆవునెయ్యి మనోహరముగా ఉండును. సర్వదోషములను పోగొట్టును .
* ఆవునెయ్యి తలకు రాసుకొని కొంచంసేపు ఉంచుకుని ఆ తరువాత తలంటుకొన్న శిరస్సులోని వేడి తీసివేయును . కళ్ళకు చలవ చేయును .
* గోరువెచ్చని ఆవునెయ్యి నాలుగు చుక్కలు ప్రతినిత్యం ఉదయం , సాయంత్రం రెండు ముక్కులలో వేయుచుండిన యెడల పార్శ్వపునొప్పి ఏడురోజుల్లో తగ్గును.
* ఆవునెయ్యి అరికాళ్లకు, అరచేతులకు మర్దన చేయుచున్న యెడల అరికాళ్ళ మరియు అరచేతుల మంటలు తగ్గును.
* రెండు తులముల ఆవునెయ్యి , రెండు తులముల పటికబెల్లం పొడి కలిపి తినిపించుచున్న యెడల సారా తాగుట వలన కలిగిన మత్తు తగ్గును.
* ఆవునెయ్యి , ఆవుపాలు కలిపి తాగించుచున్న యెడల అతిదాహం తగ్గును.
* ఆవునెయ్యిని తినుచున్న యెడల ఎక్కిళ్లు కట్టును .
* పాము కరిచినవానికి వెంటనే 200 గ్రాములు లేక 400 గ్రాములు ఆవునెయ్యిని తాగించవలెను. ఒక పావుగంట ఆగిన తరువాత వేడినీరు తాగించవలెను . దీనివలన వాంతులు మరియు విరేచనాలు అయ్యి విషం హరించును . అవసరం అయితే మరికొంత సమయం తరువాత మరలా మరొక్కసారి ఇవ్వవలెను.
No comments:
Post a Comment