కోరిన కోర్కెలు తీర్చే నిత్యానందుడుగా నిత్యమూ పూజలందుకుంటూ నిజమైన స్వామి నిత్యపూజ స్వామిగా ప్రసిద్ధి గాంచిన ఆ శివపరమాత్ముని చరిత్ర తెలుసుకోవాలన్న ఆదుర్దా భక్తుల్లో నెలకొనడం జరుగుతోంది. సిద్దవటం సమీపంలో ఉన్న నిత్యపూజయ్యకోనలోని కొండపేటు పైనుండి రాళ్లు ఎగసి పడుతున్నప్పుడు శివనామస్మరణ చేస్తే అక్కడికక్కడే మరో దారిలో వెళ్లిపోతాయని భావన కూడా భక్తుల్లో నిండుగా నిండుకుంది. ఇంతటి ఘనచరిత్ర కలిగిన ఆ మహనీయుడే నిత్యపూజస్వామి. కోరిన వారికి కోర్కెలను తీర్చే నిత్యానందునిగా భక్తులు భక్తిపారవశ్యంతో పూజించే ఈ నిత్యపూజస్వామి లీలలు అంతా ఇంతా కాదు. సాక్షాత్తు శివపరమాత్ముడే నిత్యానంద అనే మహాఋషి అవతారమెత్తి కొండపేటుపై స్వరంగ మార్గంలోని ఓ గుహలో తపస్సునాచరిస్తూ ఊద్భవలింగంగా మారినట్లు పూర్వీకులు చెబుతున్నారు. ఊద్భవలింగంగా మారిన స్వామివారిని కొండ కింది భాగాన కొలువుదీరిన అక్కదేవతలు, ఊద్భవలింగానికి అహర్నిషలూ పూజలు చేస్తూ ఆయన సేవలకు తమ జీవితాన్ని అంకింతం చేశారన్న వార్తలు కూడా పూర్వీకుల ప్రచారంలో ఉన్నాయి.
ఇక్కడ ప్రతి ఏట శివరాత్రి ఉత్సవాల నాడు అన్నదాన కార్యక్రమాలు జరుగుతుంటాయి , ఇక్కడ ప్రకృతి మహా సోయగంగ ఉంటుంది. పచ్చని చెట్లు, అందమైన జలపాతం ఈ పుణ్య క్షేత్రం ప్రత్యెకత. వరాన్ని సిద్దించే స్వామి కావున సిద్దేశ్వర స్వామి అని ఈ క్షేత్రాని ఆ పేరు వచ్చింది.
No comments:
Post a Comment