పూర్వం దేవతలకు, రాక్షసులకు జరిగిన యుద్దంలో దేవతలు ఓడిపోతారు. అనంతరం రాక్షసులు దేవతలను తరుముతూండగా,శివుని కృపతే దేవతలకు ఊహించని శక్తి వచ్చి రాక్షసులపై విజయం సాదిస్తారు. దీనికి చిహ్నంగా వెయ్యి మంది దేవతలు శివలింగంపై కోలువుతీరుతారు.పార్వతి దేవి ఈకైలాసగిరి కోనలోనే తపస్సు చేసి ఈశ్వరుని మెప్పించి తిరిగి పోందిందని ప్రతీతి.ఈప్రాంతంలో పెద్ద బండరాయిపై దుర్గాదేవి విగ్రహం ఉంది. అమ్మవారు మహిమాన్వితురాలని,నిష్టతో పూజలు చేసి కట్టుకున్న దుస్తులు వదిలితే కోరికలు నెరవేరుతాయని భక్తుల నమ్మకం,దీంతో దుర్గాదేవి విగ్రహం సమీపంలో ఎటు ,చూసినా భక్తులు వదిలిన దుస్తులే దర్శనమిస్తాయి.దుర్గాదేవికి రక్షక భటులుగా వానరాలు వందల సంఖ్యలో కనిపిస్తాయి.అంతే కాకుండా ఇక్కడ ఉన్న నవగ్రహలకు పూజలు చేస్తే తప్పకుండా దోషాలు తోలిగి పోతాయని భక్తు నమ్మకం. అలాగే చాలా మంది మునీశ్వరుల విగ్రహలు కూడా ఇక్కడ కోలువై ఉన్నాయి.
కైలాసగిరి కోండలపై ఉన్న వేయిలింగాల కోనలోని సహస్రలింగేశ్వరాలయాన్ని కుళోంత్తుంగ చోళుడు నిర్మించినట్లు చెబుతారు. దేవతల యుద్ద విజయం,పార్వదేవి,మునీశ్వరుల తపస్సుతో ఈప్రాంతం పవిత్రమైందని భావించి చోళరాజైన మూడవ కుళోంత్తుంగుడు ఇక్కడ ఆలయాన్ని నిర్మించినట్లు కధనం.
వేయిలింగాలకోన శ్రీకాళహస్తీశ్వరస్వామి దేవస్దానానికి అనుబంధంగా ఉంది, ముఖ్యంగా తమిళ నాడు,కర్ణాటక నుంచి భక్తులు పెద్ద సంఖ్యలో ఇక్కడికి వస్తుంటారు. కైలాసగిరి పర్వతంపైనుంచి జాలువారే రెండు జలపాతాలు భక్తులను భాగా అకర్షిస్తాయి. వర్షాకాలంలో కన్నా భక్తులు వేసవికాలంలో అధికంగా వస్తుంటారు.
No comments:
Post a Comment