* ముష్కర మూకల దౌర్జన్యానికి తట్టుకొని నిలబడిన హిందూ దేవాలయం .
.
ఇప్పుడు కొత్త ఢిల్లీగా పిలవబడే ఇంద్రప్ర స్థపురం పురాణ ప్రసిద్ధి చెందిన నగరం ఎన్నో రాజ వంశాలు పాలించిన నగరం .ఇక్కడ కన్నాట్‌ సర్కస్‌ ప్రాంతంలో జంతర్‌ మంతర్‌ సమీపం లో పాండవుల కాలం నాటి బాల హనుమాన్ మందిరం చాలా ప్రసిద్ధి చెందింది .దీంతో బాటు మేహ్రాలిలోని యోగమా య ,కల్కాజిలోని కల్కాజి మా, పురాన్‌ ఖిల్లాలోని భైరవ దేవాలయాలు పౌరాణికప్రసిద్ధి చెం దిన దేవాలయాలు. ఇవన్నీ ఒేక కాలంలో నిర్మింప బడినవే ….
.
బాల హనుమాన్ దేవాలయం :కొత్త ఢిల్లీలోని కన్నాట్‌ ప్లేస్‌ దగ్గర బాబా ఖరాక్‌ సింగ్‌ మార్గ్‌లో అతి ప్రాచీన బాల హనుమాన్ దేవాలయం ఉంది .ఈ దేవాలయమే భారతదేశంలో అతి ప్రాచీన హనుమదాలయం అని భావిస్తారు పాండవుల కాలం నాటి ఆలయమని ఇక్కడి వారి పూర్తి విశ్వాసం . .పైన పేర్కొన్న దేవతా మూర్తులందరూ స్వయంభువులేనని నమ్మిక .ఈ బాల హనుమాన్ మందిరం మొగలాయి దండయాత్రలలో ముష్కర మూకల దౌర్జన్యాలలో తట్టుకొని నిలబడిన దేవాలయం .దీనికి ఒక ముఖ్య కారణంఉంది.ఆ నాటి రాజ పుత్ర వీరుడు పృద్వీరాజ్‌ చౌహాన్‌ మహామ్మదీయులను ఎదిరించి పోరాడాడు. దానికి ప్రతీకారంగా వారు హిందూ దేవాలయాలన్నిటిని ధ్వంసం చేశారు కుతుబ్‌ కాంపెక్స్‌లోని లాల్‌ కోట వద్ద అవ్వత్‌ ఉల్‌ ఇస్లాం మసీదు నిర్మాణానికి ఈ రాళ్ళు అన్నీ వాడారు. బాల హనుమాన్ దేవాలయం విమానం మీద చంద్ర వంక ఉన్నది. సాధారణంగా విమానం మీద ఓం లేక సూర్యుని చిహ్నాలు ఉండటం సంప్రదాయం .దీనికి భిన్నంగా ఇక్కడ చంద్ర వంక(నెల వంక ) ఉండటం ఒక ప్రత్యేకత .
.
ఈ చంద్రరేఖను చూసి ముస్లిములు దీన్ని పవిత్రంగా భావించి ఈ బాల హనుమాన్ దేవాలయం జోలికే పోలేదు.ఆ చంద్రవంకయే ఈ ఆలయాన్ని కాపాడిందని చెబుతారు. బాల హనుమాన్ ఆలయానికి ప్రత్యేకతలు కొన్ని ఉన్నాయి .బాల హనుమంతుడు దక్షణ దిశా ముఖంగా ఉండటం వల్ల ఒక కన్ను మాత్రమే మనకు కనిపిస్తుంది .బాల హనుమంతుడు ఎడమ చేతితో గదను ధరించి ఉంటారు. కుడి చేయి చాతీ పైన ఉండి ప్రార్థన చేస్తున్నట్లు అనిపిస్తుంది పుష్పమాలలతో స్వామి అలంకరింపబడి ఉంటారు. గంధ సింధూరం పూతతో ధగధగలతో శ్రీ బాల హనుమాన్ దర్శనమిస్తారు . దాదా గురు అని పిలువ బడే మహారాజ మంగళ దాస్‌ అనే సంత్‌ గారికి స్వామి కలలో దర్శనమిచ్చి తాను స్వయంభువు గా వెలిశానని చెప్పారట. దేవాలయవెండి ద్వారాలన్నీ చక్కని కళాత్మక చిత్రాలతో వైభవంగా కనిపిస్తాయి .
.
రామాయణ గాథలన్నీ దీనిపై చెక్కబడి ఉండటం విశేషం ..ముఖద్వారమే అనేక శతాబ్దాల ప్రాచీనమైనదిగా భావిస్తారు. డెబ్భయవ దశకంలో ఆలయాన్ని కొత్త రీతులతో తీర్చారు.శ్రీ తులసీదాసు విరచిత రామాయణాన్ని ముఖ మండపంపై భాగంలో చిత్రించారు .ఇవి కనులకు గొప్ప విందును చేకూరుస్తాయి .ఈ పైన్టింగ్‌ల కింద తులసీదాస్‌ రామచరిత మానస్‌లోని సుందర కాండ గీతాలను పాలరాయి ఫలకాలపై చెక్కించారు.ఈ విధంగా హనుమంతుడు ఎక్కడాలేని విధంగా బాలహనుమ రూపంలో ఉండటం, అతి ప్రాచీన దేవాలయం అవటం, ముస్లింలు ఈ ఆలయాన్ని ధ్వంసం చేయకుండా ఉండటం, విమానం పై చంద్ర రేఖ ఉండటం… ఈ బాల హనుమాన్ దేవాలయ ప్రత్యేకతలు.
No comments:
Post a Comment